O corpus foi desenvolvido empregando PHP como linguaxe principal para a parte do servidor (backend). A interface de usuario (frontend) construíuse con HTML e JavaScript, empregando ademais o framework Bootstrap para a estrutura, os controis e distintos elementos visuais da interface. Para a base de datos empregouse MySQL.
Captura da zona privada de Humtext
O corpus construíuse a medida, adaptado especificamente ás necesidades do proxecto, e está organizado en dúas partes:
- a) Parte privada. Está destinada á xestión interna do corpus. Desde ela adminístrase toda a información asociada a cada mostra, incluíndo a imaxe escaneada, o nome do medio de publicación, a data, a transcrición, entre outros metadatos relevantes.
- b) Parte pública. Correspóndese co buscador xeral, accesible para todos os usuarios. Permite consultar o contido do corpus mediante diversos filtros de busca, facilitando así a exploración sistemática dos materiais dispoñibles.